Admin
Admin
عدد المساهمات : 760
تاريخ التسجيل : 22/09/2010
 |  موضوع: منقول --- كشف فساد حاتم الجبلى ... لمن يدافع عنه  الخميس مارس 24, 2011 6:39 am | |
|
منقول --- كشف فساد حاتم الجبلى ... لمن يدافع عنه
بسم الله الرحمن الرحيم
من
شويه كنت بتفرج على برنامج الحقيقه بتاع وائل الابراشى وكان مستضيف عضو
مجلس شعب سابق معارض ومستشار سابق للوزير السابق حاتم الجبلى وقالوا شوية
فضايح حبيت اكتبهالكوا علشان الناس اللى بتقول ان حاتم الجبلى عمل انجازات
وقالوا انهم جمعوا المستندات دى وهايتم ارسالها الى النائب العام لضم اسم
حاتم الجبلى الى اسماء الممنوعين من السفر ولتجميد أرصدته ونشوف سوا
الفضايح
1 - قرار علاج وزير الماليه السابق يوسف بطرس غالى
على نفقة الدوله بمليون و200 ألف جنيه مصرى مع العلم ان قانون العلاج على
نفقة الدوله لا يسمح للوزير بهذا العلاج لانه معمول للفقراء ده غير انه
كان رايح يعالج عينه يعنى علاج بسيط وطبعا الطيران والاقامه وكل المصاريف
كانت على حساب الدوله
2 - علاج حرم وزير الصحه على نفقة الدوله بتكلفه 2 مليون جنيه مصرى وبنفس النظام من طيران ومصاريف وغيره من مجرد ورم صغير غير سرطانى فى الساق
3 - علاج الوزير السابق الراحل كمال الشاذلى لمدة سنتين كاملتين على نفقة الدوله وهو غير مسموح له ايضا طبقا للقانون
4 - سفر الوزير لمقابلات بيزنس مع شركات لندنيه شركائه فى بعض اعماله ايضا بقرار سفر للعلاج على نفقة الدوله
5 - قال المستشار السابق له انه جاء للوزاره مجاملة من أحمد نظيف نتيجة انه عالج حرمه واهتم بحالتها فى دار الفؤاد
6 - حصل على موافقة أحمد نظيف على مبلغ 70 مليون يورو لصالح شركة ماكنزى التى تشاركه فى كل مشروعاته (دار الفؤاد - كايرو سكان - معامل البرج)
7 - قرار العلاج بتاع زوجته
كان على قرارين كل واحد منهم 50 ألف دولار وحصل على موافقة أحمد نظيف
عليهم بالرغم ان السقف المسموح للعلاج على نفقة الدوله هو 12 ألف دولار
فقط ده غير انه كان بيسفر العائله كلها وليس مرافق فقط
8 - اشترى أرض دار الفؤاد الجديده
فى مدينة نصر ب 100 جنيه للمتر بالرغم ان المتر يساوى 50 ألف جنيه
واشتراها من المصرف العربى الدولى اللى رئيس مجلس ادارته عاطف عبيد رئيس
الوزراء السابق
9 - صرف على عربيات الاسعاف الجديده
البرتقاليه مبلغ 2 مليار دولار وترك القديم بدون عمل وقام بهذه الصفقه
بالامر المباشر لشركه معينه مقابل الحصول على العموله دون عمل مزاد أو
مناقصه أو ماشابه
10 - عين كل اصحابه ومعارفه فى الوزاره وتخلص من جميع من كانوا خبره أكثر
11 - اهدر 3 مليار جنيه نتيجة قرارت العلاج على نفقة الدوله التى كانت تصدر لاعضاء مجلس الشعب
12 - عين صديقه عبد الرحمن شاهين كمتحدث
اعلامى وصرف الملايين على الاعلانات والدعايا والمؤتمرات التى لم يكن لها
داعى وخصص مبالغ كبيره لهذا المتحدث وصرف هذا المتحدث الالاف على مكتبه
الذى كان يوازى مكتب رئيس الوزراء
13 - سهل لاخوه عن طريق أحمد نظيف تملك أحد أكبر مصانع الاسمده والمواد الكيماويه
14 - استخدم بعثات الحج بتاعت الناس الغلابه وطلع اصدقائه ومعارفه وبعض اعضاء مجلس الشعب والحزب الوطنى وطباخه الخاص وسواق فاتن حمامه لان زوجها شريكه فى كايرو سكان
15 - عين ابنه محمد فى قسم الاشعه فى القصر العينى
بصفقه مقابل تعيين أحمد سامح فريد وزير الصحه الحالى كعميد للقصر العينى
وسفر ابن رئيس قسم الاشعه بعثه الى الخارج تكلفت 250 ألف دولار
16 - مرتبات اصحابه ومعارفه فى وزارة الصحه تراوحت بين 66 ألف جنيه و 186 ألف جنيه شهريا
17 - استخدم القوافل الطبيه كرشوه سياسيه للمسئولين واعضاء الحزب الوطنى والحكومه
18 - قانو التأمين الجديد كان كارثه للفقراء لانه كان هايكون كله بأجر وليس بقليل
طبعا كل الكلام ده كان على مسئوليتهم وان شاء الله لو قدرت اسجل اللقاء وارفعه ربنا يسهل
اضيف انا بقى لانجازاته1 - تضييقه على الفقراء فى موضوع العلاج على نفقة الدوله وتسبب ان الكثير لا يجدون هذا العلاج
2 - ايقاف تخصصى النسا والاطفال لمدة 7 سنين يعنى مش عايز دكاتره فى التخصصين لهذه المده
3
- مصمم على التوزيع الجمهورى فى التكليف بدلا من الاقليمى يعنى الدكتور
مننا يتخرج بدل مايتعين فى اقليم يحتوى على المحافظات القريبه منه ممكن
نلاقى طبيب من وجه بحرى متعين فى الصعيد والعكس يعنى مشحطط الناس على
الفاضى
4 - اهتمامه بالوحدات والطب الوقائى على حساب الطب
العلاجى على الورق فقط يعنى على الورق فى وحده فى كل منطقه بيتصرف عليها
فلوس قد كده وهى مش بتقدم خدمه طبيه من الاساس والفلوس دى لو كانت اتحطت
فى الطب العلاجى كان زمان المستشفيات مطوره وأفضل بكتير
5 -
مزود فترة التكليف فتره طويله جدا مالهاش اى لازمه ولا بتخدم الناس وفى
نفس الوقت معطل الاطباء بدل مايتخصصوا وكل واحد يبقى متخصص يفيد الناس بدل
ماهو شغال بتاع كله وهو مش فاهم أى حاجه
6 - وطبعا اللايحه
الرائعه اللى كان عاملها قبل مايمشى على طول واللى كانت خراب على الفقراء
وملخص اللايحه دى انه كان هايخلى العلاج فى المستشفيات وفى الوحدات الصحيه
كله بفلوس لدرجه الحقن والقطن والشاش | |
|
