مجموعة نكت رووعة

عدد المساهمات : 13 تاريخ التسجيل : 27/10/2010

مجموعة نكت رووعة مره واحد معلم ابنه بدل ما يقول عاوز اعمل حمام يقول عاوز اصفر
وفى يوم كان الطفل نائم مع جده فقال له عاوز اصفر
قال له جدة الدنيا ليل والناس نائمين فضل يبكى وهو يقول عاوز اصفر
فقال له الجد صفر فى ودنى بس براحه

مرة 3 أطفال راحوا محل لعب الاول بيقول للبياع: عمو عمو عايز بلونه. جاب السلم وطلع لفوق على الصندرة
وجاب بلونه ,نزل فسأل الثاني: وانت عايز ايه؟ .قال له بلونه.. قال له ماقلتش ليه وانا فوق!!
المهم طلع جاب له وهو فوق سأل الولد الثالت: وانت كمان عايز بلونه؟؟؟ قال له لأ...
فنزل الراجل وارجع السلم وسأل الثالث : عايز ايه؟ قاله: عايز بلونتين

يقولك مرة فار ماشى مع خطيبته فى الغابة وفجاة لاقى الاسد فحب يعمل راجل قدام خطيبته
فراح للاسد قاله: انت يا حيوان
الاسد رد : انت بتشتمنى انا ؟؟ رد الفار وقاله: ايوة بقولك انت
و مشى الفار وراح وصل خطيبته لبيتها وهو راجع قابله الاسد قال : انت كنت بتشتمنى انا يا فار؟؟
قال: لا والله دا انت ملك الغابة هوا حد يقدر يشتمك؟؟ أنا بس كنت بعمل شويتين كده قدام البت
انا اسف وهات راسك ابوسها طلع الفار على راسه عشان يبوسها فشاهد خطيبته معديه
فقال للاسد: ادوس على دماغ امك دلوقتى؟؟؟

واحد بلدياتنا عمل 2 إيميل، واحد دوت كوم للشتاء وواحد نص كوم للصيف

تلاتة دخلوا الجامعة ، اتنين طلعوا مهندسين والتالت طلع مدينة نصر

مرة حلاق وابنه بيتفرجوا على ماتش كورة المذيع قال : بيشوط بمشط رجله وجت فى المقص.
ابنه قاله الحق يابابا بيلعبوا فى العدة

مرة واحدة أهدت لصاحبتها بغبغان هدية سألتها علية تانى يوم قالت لها عادى طعمه زى الفراخ

مرة قردين واحد حظه حلو والتانى حظه وحش كانوا جعانين دخلوا حديقة موز اللى حظه حلو طلع فوق
واللى حظه وحش نزل تحت جه صاحب الحديقة ضرب اللى حظه وحش واليوم التانى والثالث تكررت نفس الحكاية قالو لازم نغير
انت تنزل تحت وانا اطلع فوق حضر صاحب الحديقة هوا وابنه ابنه جاى يضرب اللى حظه حلو
قاله سيبه ده غلبان بقاله كذا يوم بينضرب هتالى اللى فوق ده

جماعة بيحششوا ..... فجت كبسه... كل واحد اسـتخبه في شوال جه الظابط ضرب الشوال الاول برجله
خرج واحد منهم و قعد يكاكي وعمل نفسه فرخه ضرب التاني خرج وقعد يأدن وعمل نفسه ديك
ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش

مرة دكتورة اسنان ببسئلوها انتى اتجوزتى؟ قالت لهم لثة

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني، دوري كويس.
واحد معدي في الشارع قالة : في إيه ؟ راح واخد المحمول منه وبيسمع (الرقم الذي طلبته غير موجود في الخدمة)

سفاح معه سكينة مسك رجل وامرأة, قال لهم: سوف أقتلكم. لكن قبل ما اقتلكم سأل المرأة عن اسمها
فقالت له: منيرة. قال لها خلاص مش ممكن أقتلك اسمك زي اسم امي. وبعدها سأل الرجل: وانت اسمك اية؟
قال له: سالم بس بيدلعوني منيرة... ؟

مسطول يقول لصاحبه:حلمت البارحة أننا أصبحنا فنانين .. أنت فنان تشكيلي وأنا فنان أشكيلك

اب قال لابنه لو خيروك بين المال والعقل ماذا تختار ؟ الابن :المال .
الاب: لماذا تختار المال انا اختار العقل؟. الابن :كل واحد ياخذ اللي ناقصه

مرة واحد عاكس ست سودة قالها بيبسي كولا.. تفت عليه قالها كمان بتفوري

عمارتين وقعوا علي بعض ......بعض مات

مرة ظابط روح من الشغل ومعاه حتة حشيشة وعنده بغبغان قام حاطط الحشيشه جنب البغبغان ودخل ياخد دش
لما رجع ملاقاش الحشيشه سال البغبغان قاله والله مخدتش حاجة قام اتغاظ منه الظابط وحطة فى عشه الفراخ لما دخل الببغاء العشة
لاقى ديك طايح فى الفراخ ولما شافة الديك حلى فى عنيه قام البغبغان قالة لا ياحبيبى انا حشيش مش أداب

واحد ميكانيكى اشترى نتيجه مكتوب عليها ( الصبر مفتاح 15 )

مرة واحد بخيل ركب تاكسى وحصل حادثة والتاكسى انقلب والسواق مات والبخيل يصرخ ويقول وقفو العداااااد

مره واحد حلق كابوريا قرصته

واحد راح للدكتور بيشتكى انه مش قادر ياخد نفسه من الكحة فقال له الدكتور نام والشباك مفتوح
وبعد يوم ذهب المريض للدكتور وساله الدكتور الكحه راحت؟ فقاله الكحه راحت
والتليفزيون راح والتسجيل راح والفيديو راح .........

واحد سباك نفسه اتسدت غرق الشقه

دكتور عيون قاعد مع خطيبته في حديقه الاسماك معاه ورده قالها شايفه الورده دي يا حبيبتي..
قالت له ايوه... رجع ايده لورا شويه ...وقالها طب وكده

واحد اتصل بزوجته وقال لها انا ربحت المليون جهزي شنطتك بسرعة
فقالت الزوجة أحمل معاي ثياب الصيف ولا الشتاء قال لها احملي اللي ترغبين ، المهم لا أشوفك في البيت لما أرجع

غبى قعد يدعى لربنا 10 سنين علشان يرزقه بولد راح ظهر له ملاك وقاله اتجوز الاول يـــــــــــــــــــــــــــا غبي

مرة واحد مجنون خبط راجل بعربيتة جاء الضابط . قالة المجنون: زمرت لة كتير و ماتحركش
فسأل الضابط الراجل: لية ماتحركتش؟ قالة الراجل :اروح فين يا بية اناكنت قاعد فى المحل بتاعى

كمسري أبوة مات ماشى في الجنازة يقول يا حضرات الجنازة فاضية قدام

واحد بلدياتنا غنى جداً ..راح يصطاد فى افريقيا..ولما رجع سالوه أصحابه اصطدت ايه قالهم3 غزلان و 2 حمار وحشى
ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسود قاعده تقولى نوبليز نوبليز نوبليز
no please

واحد نذل ابوه طرده من البيت وهو طالع كتب على الباب ، مقر حركة طالبان

التلميذ : بحبك يا أبله و عاوز أتجوزك... المدرسه: بس أنا مابحبش الأولاد الصغيرين...
التلميذ: وأنا مش مستعجل على الأولاد

مدرس بيقول لتلميذه: كان في جيبك خمسة جنيه و وقع منهم تلاتة يبقي في جيبك ايه؟
التلميذ: خرم يا أستاذ

واحد احول اكتشف بعد عشر سنوات انه بيصرف على الجيران

ست بتقول لزوجها انت مبتعبرنيش ولا تسأل فية ؟
شوف جارتنا زوجها فى الرايحة والجاية بيبوس فيها
اعمل مثلة
رد بدهشة!!!! فكرك توافق؟

واحد اشترى موبايل جديد وحب يعمل لمراتة مفاجأة : قام دخل على الحمام وأتصل
بها وقالها :مرحباً حياتي قالت لة أقفل الخط الجحش في الحمام

مره واحد دخل على مراته لاقاها بتخونه مع واحد من أعز اصحابه قام قتله..
قالت له انت غبى بالطريقة دى ها تخسر كل اصحابك

كان مره اثنين سكرانين بعد ما انتهت السهره أرادوا العوده للبيت
بالقارب واخذا يجدفان ولما طلع الصبح
قال واحد منهم :للأسف نسينا نفك الحبل عن القارب

اثنين من السكارى في سيارة مسرعة
قال الاول: انتبه من عمود الكهرباء
الثاني: اشوفه يابن الحلال
الاول : انتبه يارجل نكاد نصطدم بعمود الكهرباء
الثاني: قلت لك اني اشوفه
الاول : انتبه ....و اصطدمت السيارة بعمود الكهرباء
و وقع الحادث الاليم و افاق المصابان في المستشفى والجبس ملفوف عليهما من الرأس الى القدمين
و قال الاول : الم اقل لك ان تنتبه من عمود الكهرباء؟
الثاني : اجل وكنت اشوفه و لكن انت من كان يسوق السيارة يا غبى!!!!

سكرانين بسفينة مرو على لوحة مكتوب عليها أحذر اسماك القرش قفزو كلهم

واحد سأل غبي أنت تدخن؟ قاله:لا أعلم إذا مشيت ما ألتفت وراي

أحول و عبيط فتحو محل طعـميه. الاحول يحط الطعـميه برا
القلا يه. و العبيط يقول: تـشـش .

سكران ما سك دجاجه ويضربها ويقول يا بنت الكلب كل يوم بيض
بيض مافيش جبنه

ثلاثة أخوات نا يمين في غرفة ومشغلين المروحة علي خمسة...
دخل أبوهم البخيل بالعصايا وقال يا كلاب ثلاثة والمروحة على خمسة و هات ياضرب بالعصايا

واحد دخل مجمع استهلاكى وسأل عن الفراخ فساله الموظف عايز فراخ صاحيه
ولاّ مذبوحه؟؟ قال مذبوحه ، قال له اطلع الدور الثانى.......طلع وسأل عن الفراخ المذبوحه
فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث .....
وقابل موظف اخر وسأله عن الفراخ المذبوحة ومقطعه فقال له عايزها متكيسة ولاّ لأ ؟؟
قال له متكيسة فقال له اطلع الدور الرابع .....
طلع الدور الرابع وقابل موظف اخر وقال له عايز فراخ مذبوحة ومقطعه ومتكيسة
فرد الموظف وقال له مافيش فراخ بس ايه رأيك فى النظام؟

واحد و هوا بيموت بص لمراتة بصه رومانسيه و قالها لما اترفدت كونتي معايا
و لما عييت وقفتي جنبي ولما فلست برضوا كونتي معايا و دلوقتى لسه جنبي
مسك ايديها بحنيه و قالها.... مش عارف ليه حاسس انك نحس

مره واحد سايق عربيه شاف يافطه مكتوب عليها ( خفف 100ك) راح مخفف 100 ك لقى يافطه تانيه مكتوب عليها (خفف 50 ك) راح مخفف50كلقى يافطه مكتوب عليها "اهلا بكم في مدينه خفف"

مرة واحد غبي راح للدكتور و قاله "كل منطقة في جسميبتوجعني" كشف الدكتور عليه مفيش حاجة وجعته سأله تاني "فين المنطقة الليبتوجعك"، قاله "هنا و هنا و هنا" و هو بيشاور بصباعه في كل مكان و قاله"بص يا دكتور حتي راسك بتوجعني" فاكتشف الدكتور إن صباع المريض مكسور

واحد بلدياتنا نزل محطة مصر لقى بتاع الأنابيب بيخبط
عليها، قال له افتحلي واحدة ساقعة لو سمحت

لصين دخلو شقه لسرقتها .فطب عليهم صاحب الشقه
الاول استخبى فى الحمام والثانى استخبى فى البلكونه
قال صاحب الشقه لمن فى البلكونه من انت؟
قاله اناكنت فى مهمه تدريب وقفزت من الطياره بالبراشوت فوقعت فى البلاكونه
قال صاحب الشقه كلامك معقول مش ابن الغبى الى فى الحمام الى بيقولى ضفادع بشرية

» مجموعة من أفضل المواقع التعليمية على الإطلاق
» اكبر مجموعة برمجيات اسلامية للجوال.. وادعيلى
» اكبر مجموعة العاب خفيفة والعاب جميلة الصراحة
» مجموعة كبيرة ومنوعة من احدث اشكال وانواع الدهانات
» مجموعة من أهم الفتاوى التي تختص بأحكام الغناء والموسيقى والمعازف