اية دورنا كشباب برلمانيين وامتة ننجح في توصيل رسالتنا ؟

اية دورنا كشباب برلمانيين وامتة ننجح في توصيل رسالتنا ؟
بسم الله الرحمن الرحيم

في البداية احب اشكر دكتور صفي كل القائمين على الموقع على اهتمامهم الشديد بالموقع لانة حلقة وصل مباشرة ما بين القيادات و الشباب

في الحقيقية

لما فكرت اكتب موضوع ف الموقع

كنت حابب اكتب بقلم شاب الي شباب

كلنا كبرلمانيين حافظين يعنى اية برلمان من الناحية الاكاديمية

لكن كم منا يطبق ما يحفظة في حياته السياسية

اعرفكم بنفسي

انا محمد الشحات محمد عضو برلمان محافظة الشرقية

قبل ما اتكلم ف موضوع الشباب والحياة السياسية
كنت عايز اقول
وبدون اي مقدمان

يبقي كداب كبير جدا اللى ينكر فضل البرلمان عليه

اي حد دخل برلمان الشباب

تعلم منه الكثير

انا شخصياً اتعلمت ازاي اوصل المعلومة باسهل الكلمات

اتعلمت ازاي اكلم مسئول بكل جرأة و بأسلوب جيد للحديث

اتعلمت ازاي اتحكم في وقتي وازاي انظم شغلي

اتعلمت كتير جدا ومهما كتبت من كلمات مش هقدر اقولكم مدى استفادتي من برلمان الشباب


بس ممكن اشبه بمرحلة انتقالية من عقل طفل صغير يتحول الي عقل متحرر واعي فاهم لما يدور حولة من احداث في مجتمع يملئه التيارات السياسية في ظل حكم ديموقراطي

ولما اقول اتعلمت فدة لانى طبقت لان المجلس القومي بالفعل من خلال مشركتك وفعاليتك في البرلمان
بيمكنك من التحاور مع الشخصيات الهامة في الدولة من محافظين ووزاء وكبار رجال الدولة

ويترك لك حرية التعبير دون قيد ولا شرط

فالبرلمان يعدك الاعداد الكامل لمثل هذه المواقف

عشان كدا انا بدعو كل شاب من شباب مصر انه يشارك في برلمان شباب مدينته ومن خلال تميزه في البرلمان هيقدر مثل برلمان مدينته في برلمان شباب محافظته وبتميزه في المحافظة هيقدر يمثل محافظته في برلمان شباب الجمهوريه و يمثل مصر في دول العالم

وهو دة برلمان الشباب اللى اهم دور ليه

هو

محو الامية السياسية لدي الشباب

اعداد جيل من الشباب مؤهل لتمثيل دائرته وبلده بمجلس الشعب او المجلس المحلي او النقابات

تشجع الشباب على المشاركة في الحياة السياسية زى انتخابات مجلسي الشعب والشوري وانتخابات الرئاسة




احنا بقي

دورنا اية كشباب برلمانين

اولاً : تجنيد اكبر قدر من الشباب ببرلمان الشباب ليستفيد كما استفدنا

ثانياً : نشر فكر المشاركة السياسية بين الشباب واهمية اصواتهم الانتخابية فالصوت امانة ويجب لكل شاب اختيار من يمثله وينوب عنه داخل المجلس او في حكم مصر

ثالثاً : العمل على محو الامية السياسية من خلال اعداد ورش عمل بمختلف التجمعات الشبابية "مراكز الشباب او الاحزاب او الجمعيات الاهلية او غيرها " وحثهم على المشاركة السياسية

انا في محافظتي محافظة الشرقية الجميلة

كواحد من الشباب بتشرف اني داخل كيان شبابي جميل جدا

شباب يتمتع بالحماسة وشباب عاشق لمصر

نفذنا كتير من الندوات واللقاءات وورش العمل بمختلف الجهات


عشان كدا بقولك لكل شاب ابدا بنفسك

طور نفسك من خلال البرلمان ومن خلال التثقيف الذاتي بقراءة الكتب وتصفح الانترنت وقراءة الجرائد

وابدا انقل اللى اتعلمته للي حواليك لاصحابك لاسرتك ف المنزل لقرايبك لزمايلك ف الشغل

ف يوم

مصر كلها هتشارك في الانتخابات

هنا بس نقدر نقوم اننا نجحنا

اسف للاطالة وشكراً للمتابعة